…शोधतो मी
काळ ना करू शके सैल
असे नाते
शोधतो मी
जे सुखे नेई तीरी पैल
त्या गलबताते शोधतो मी
देऊनी ना रिते होती
असे दाते शोधतो मी
आभाळ पेलून अकर्ते जे
ते कर्ते करवते शोधतो मी
न सांगता कळे सारे
ते हसू खुलते शोधतो मी
अन आरपार
जाई छेदून
ते नजरपाते
शोधतो मी
जीव जावा रंगी रंगुन
इंद्रधनु ते शोधतो मी
असुर सुद्धा होती सुरमय
सुरम्य गीते शोधतो मी
सुखदुःख नित आवर्तने
ना कंपते ते शोधतो मी
शांत सहज कल्लोळ ज्याचे
त्या आनंद प्रपाते शोधतो मी
ओथंबून घन जिथे रेलती
त्या नभाते शोधतो मी अन
घन भेदून जे सूर्य पाहते
ते तृणपाते शोधतो मी
जिथे जाता न लागे परतू
त्या घराते शोधतो मी
मी ही सरावे सशरीरे
रे मना
ते शोधतो
मी
आदी न ज्याचा अंत न कळता
व्यक्त मध्याते शोधतो मी
जिच्या
स्तव हे जनन मरण
अशा माते शोधतो मी
….नरेंद्र
No comments:
Post a Comment